„Патник ме нарече ужасна мајка за време на авионски лет, а врескаше и по моите деца“

Детали

сабота, 24 август 2024

„Моето 2-годишно дете направи мал инцидент и во тој миг еден патник кој седеше блиску до нас вресна: ‘Ох, колку мразам деца, ги мразам и никаквите родители и нивните никакви деца’. Бев под огромен стрес“, споделува Кетрин Хафтон од Велика Британија

Кетрин Хафтон е новинарка од Велика Британија која за магазинот Metro сподели каков немил настан ѝ се случил за време на неодамнешниот лет за Тенерифе.

„Имаше само 20 минути до слетување и знакот за појаси беше вклучен, но тоа не спречи еден дрзок патник да нè нападне вербално мене и моите деца, кои се на возраст од 2 и 5 години“, вели таа.

„За сите години минати во патување дали сама, дали со децата не сум искусила нешто вакво и се надевам дека нема да искусам никогаш повторно“.

Кетрин патувала и до Тајланд и до Канада, како и низ цела Европа, но вакво нешто не доживеала. Вели дека откако со сопругот станале родители си ветиле дека ќе патуваат уште повеќе и од порано.

Досега децата ги имаат однесено на дестинации како Мексико, Ибица, Италија и Шпанија и вели дека за овие патувања штедат цела година и токму од тие мигови им се некои од најмилите спомени во животот.

Се разбира, таа е искрена дека сега децата ѝ се на возраст кога знае на моменти да биде тешко да ги скроти во авион, но затоа им ги пакува омилените играчки, книги, грцки, како и таблет за долгите летови.

Кетрин вели дека постојано ги потсетува дека треба да се однесуваат добро и дека тие во глобала се полни со почит кон другите патници на летовите.

„Инциденти се случуваат ретко и најчесто патниците околу нас се трпеливи и покажуваат толеранција затоа што се свесни како е со деца.

Но, за жал тоа не беше случај за време на нашиот лет до Тенерифе. Всушност, никогаш не сум се чувствувала толку исплашена.

За време на летот, мојот 2-годишен син, кој е понепредвидлив од неговиот брат, фрли со бисквит во воздухот и бисквитот падна до две тинејџерки кои седеа понапред.

Откако му кажав повеќе да не го прави тоа и им се извинив на девојките и нивното семејство, мислев дека наидов на разбирање, но на мое изненадување една од нив стана и ми кажа дека мојот син ја нервира.

Јас повторно се извинив и објаснив дека има само 2 години и дека давам сè од себе за да го скротам.

Потоа, пред нас имаше пар кој консумираше многу алкохол и секојпат кога некое дете на летот плачеше, мажот стануваше и зјапаше во него агресивно.

Ми беше страв дека во секој миг можеше ние или кој било патник или член на екипажот да стане мета на овој бес.

Продолжува на следната страница...