„Сакав скромна забава за синот – сите родители дојдоа со плус 1 дете, па на крај морав да платам уште 180 евра“

Детали

недела, 20 октомври 2024

Во ред ли е на забавите во игротека освен детето што е покането да ги носите и неговите браќа и сестри? Една мајка не го крие својот револт, кога родителите без прашање дошле на забавата со плус едно дете и ја изложиле на непотребни трошоци.

Денес роденденските забави во игротеки и забавни паркови се секојдневие.

Освен што се трошат пари на анимација за децата, тука се трошоците и за храна, декорации, а често родителите може да се соочат и со непредвидени трошоци.

Што се случува ако на забавата се појават повеќе деца од предвиденото и како се чувствуваат родителите кои неочекувано треба да се соочат со поголеми финансиски трошоци?

Британката Лорен Либин од Англија (42) раскажува како се соочила со непотребни трошоци, откако една од мајките на соучениците на нејзиниот син се дрзнала да ѝ ги расипе плановите.

Лорен организирала забава за синот (6) во парк со замок за скокање, но наместо скромната роденденска забава што ја планирала, таа морала да одвои дополнителни 180 евра за непланирани трошоци.

„Неодамна правев роденденска забава во забавен парк, со цел да го прославиме шестиот роденден на синот.

Со оглед на тоа што тој има роденден во лето, никогаш не сме правеле голема забава со децата од одделението, туку сме славеле дома.

Но, годинава, тој беше многу возбуден и сакаше да има голема забава со другарчињата од училиште и одлучивме забавата да ја направиме во септември, кога сите деца ќе бидат вратени од одмор.

Во неговото одделение има 20 деца, па сметавме дека треба сите да ги поканиме.

Направив покана на WhatsApp и ја испратив во групата.

Сите родители го пишуваа името на нивното дете што ќе дојде, сè додека 10-тата мајка по ред не го напиша името на ќерката што учи со синот, но и на нејзината помлада сестра – без претходно да ме праша дали е во ред да дојде“ – појаснува мајката.

Таа вели дека била шокирана и сакала да ѝ пише на мајката дека кога се работи за забава во игротека или во забавен парк, јасно е дека треба да дојде само детето што е покането, но по убедување на партнерот се воздржала.

Потоа следувал вистински шок, затоа што сите наредни родители си додавале плус едно дете на списокот, па на крај мајката морала да плати 180 евра повеќе за забавата затоа што бројот на деца значително се зголемил.

„Навистина сметам дека не е во ред да најавувате доаѓање на уште едно дете, без претходно приватно да го прашате родителот на славеникот дали може.

Не само што треба да се плати влезница за секое дополнително дете, за храна и за сокчиња, треба да подготвите и други реквизити.

Исто така, најголемиот број шестгодишни деца не сакаа да си играат со уште 10 други помали деца што не ги познаваат, па моравме постојано да внимаваме да не ги повредат“ – вели таа.

Лорен вели дека по трошоците што се насобрале за оваа забава, едноставно решила дека веќе никогаш нема да го слави роденденот на синот во забавен парк и ќе се држи до интимните забави во домот.

Што мислите вие? Во ред ли е да им се наметнуваат на родителите на славениците дополнителни гости, или ако немате можност кој да ви ги чува помалите деца, покултурно е да ја одбиете поканата?

Б. С. Б. | Црнобело