„Ти благодарам принцезо“ - Џанлука Ваки го прослави 4-иот роденден на ќерката со трогателна објава

Детали

среда, 30 октомври 2024

„Пред 4 години целиот мој живот се промени. Конечно имав шанса да ѝ се придружам на оваа интензивна авантура наречена родителство и да ја искусам најдлабоката форма на љубов која постои“, почнува дел од емотивната роденденска објава на Џанлука Ваки.

На 27 октомври ќерката на Џанлука Ваки и Шерон Фонсека, Блу Ерусалема, го прослави својот четврти роденден, а познатиот Италијанец ѝ посвети емотивно видео.

Во видеото тој вели:

„Пред 4 години целиот мој живот се промени. Конечно имав шанса да ѝ се придружам на оваа интензивна авантура наречена родителство - која животот ни ја нуди за да ја искусиме најдлабоката форма на љубов која постои.

Ти ме воодушевуваш во секоја секунда од овој нов живот и сега јас буквално живеам за тебе и за нашето семејство.

Ќе бидам твој засекогаш и секогаш кога ќе имам шанса ќе ти ја покажувам длабочината на мојата љубов за тебе и ќе се обидам да те научам да сонуваш големо, да ги почитуваш другите и да бидеш културна со сите.

Правиш да сонувам секој ден кога те прашувам: ‘Кој е твојот принц?’ и ти ми одговараш со твојот сладок и прекрасен глас: ‘Тато’.

Ти благодарам принцезо, јас само се молам да бидам на висината на оваа важна задача татко и ќе ја вложам сета моја енергија во тоа да го претворам твојот живот во сон, исполнет со љубов и принципи.

Те сакам длабоко, принцезо моја!“

Кликнете на видеото:

Емотивно видео со посвета објави и Шерон Фонсека:

„Драга ќерко,

Ти си најпрекрасниот подарок кој некогаш сум го добила.

Денот кога се роди, како да се роди и дел од мене. Сфатив дека е возможно да го чувствувам срцето, надвор од моето тело.

Твоето присуство во мојот живот е инспирација и движечка сила секој ден. Сакам да знаеш дека мојата љубов за тебе е бесконечна. Како растеш ти, така растам и јас со тебе.

Ме научи толку многу работи, а толку си мала.

Ме мотивираш да бидам најдобрата верзија од себеси и ти благодарам за тоа.

Твојот татко и јас те сакаме со целите наши срце. Ти си светлината во нашите животи и ние се обидуваме да бидеме светлината во твојот.

Ти благодарам што си нашиот најголем дар. Чувствителна и ведра девојка каква што си.

Ти благодарам што ни ги исполнуваш деновите со магија, насмевки и љубов. Дури и во моментите кога тоа ни е најпотребно.

Ти благодарам душо моја, среќен роденден!“

Кликнете на видеото:

С. С. | Црнобело