„Мојата 13-годишна ќерка за Божиќ сака брендирана долна облека и продукти за нега на лице – јавноста ме критикува“

Детали

четврток, 26 декември 2024

Инфлуенсерка стана мета на критики откако откри дека за Божиќ, нејзината 13-годиишната ќерка сакала долна облека од познати брендови, скап накит, луксузни парфеми и куп други работи што не се баш соодветни за нејзина возраст.

Инфлуенсерка од САД на ТикТок ја сподели листата со подароци што ја добила од нејзината 13-годишна ќерка.

Објавата, која има над половина милион прегледи, го подели мислењето на јавноста, најмногу бидејќи голем дел од подароците што ги сака девојчето не се баш соодветни за негова возраст.

Покрај подароците како сјај за усни или нов капут кои донекаде се очекувана желба на 13-годишно девојче, во листата ќерка ѝ навела и ленти за избелување заби, па дури и долна облека од Victoria’s Secret.

„Сите ги објавуваат нивните нереалистични божиќни листи?

Па, ова е листата што годинава ја добив од мојата 13-годишна ќерка“, пишува на објавата.

Дел од подароците што ги посакала ќерка ѝ:

• Бронзер и руменило од Rare Beauty (брендот на Селена Гомез)
• Руса коса
• Макси фустани
• Парфеми Miss Dior и Good Girl
• Комплети долна облека од Calvin Klein и Victoria’s Secret
• Пижами од Victoria’s Secret
• Паметен часовник од Apple
• UGGs чизми и капут од ZARA
• Накит од Pandora
• Ленти за избелување заби
• Пирс на папокот

Девојчето навело и други продукти за убавина, како шминки и серуми.

„Мора да мисли дека сум во брак со Илон Маск“, додава мајката во описот на објавата.

Во коментари, повеќето корисници ја критикуваат мајката бидејќи ја разгалила ќерка ѝ.

„13-годишно девојче сака долна облека од Victoria's Secret. Моите сакаа Хари Потер книги …“

„Ти си виновна за ова. Моите деца побараа коцки за играње“.

„На 13 години јас си играв надвор и се качував по дрвја“.

„Како воопшто денешните тинејџери знаат што е сето ова?“

Некои истакнуваат дека веќе виделе многу вакви листи од мали девојчиња и прстот го вперуваат кон социјалните мрежи.

Односно, сметаат дека не е во ред што мали девојчиња се споредуваат со возрасни инфлуенсерки кои рекламираат продукти за убавина, облека и слично.

„90% од работите се поради инфлуенсерките“.

„Ова ме растажува. Видов неколку вакви листи. Премногу се млади за да мислат дека им треба сето ова“.

Некои, пак, пробуваат да ја одбранат мајката:

„Зошто толку омраза? Сигурна сум дека девојчето не очекува мајка ѝ да ѝ купи сè од листата“.

„Не ми е јасно зошто критикувате. Сигурно девојчето ја направило листата за на мајка ѝ да ѝ биде полесно да избере подарок за неа“.

„Зошто сте злобни во коментарите? Листата не мора да значи дека девојчето сака сè што набројало“.

Какви подароци сакаат вашите деца?

Спирова С. | Црнобело