Бесен сопруг ќе се разведува од сопругата инфлуенсерка, откако бакнала пејач на сцената (видео)

Детали

среда, 08 јануари 2025

За бакнежот со својот идол, Миријам Круз, која стана вирален хит, вели: „Мора да признаам дека ова постигнување за мене дојде со многу висока цена – крај на мојот 10-годишен брак“.

Миријам Круз, девојка која на ТикТок има повеќе од 139.000 следбеници, се качи на сцената за време на концертот на бачата бендот „Aventura“ во Доминиканската Република и бакна еден од членовите, поточно фронтменот Ромео Сантос.

Бендот се состои од 4 члена и формиран е во Њујорк.

Тие се на 9-месечна турнеја, откако членовите на бендот се имаа разделено за да работат на соло проекти.

Ромео Сантос

Видеата од бакнежот се споделуваат вирално.

Миријам, откако беше поканета на сцената да отпее песна со нив, очигледно не можеше да ја скроти својата возбуда.

Таа е 10 години во брак и постојано објавува фотографии и видеа со својот сопруг, но тој, лут по нејзиниот потег, донел одлука за развод.

Миријам, самата на ТикТок објави, па избриша, дека бакнежот за време на концертот предизвикал нејзиниот брак да се распадне.

„Мора да признаам дека ова постигнување за мене дојде со многу висока цена – крај на мојот 10-годишен брак“, напиша таа, а пренесува DailyMail.

Taa додава дека ја понеле емоциите, без да размисли дека тоа може да влијае на нејзиното семејство.

Но, од друга страна вели дека е среќна што ѝ се остварил еден долго сонуван сон.

„За мене не е само да се воодушевувате на еден артист, туку и да го цените како едно прекрасно човечко суштество. Јас го следам и му се восхитувам многу долго“.

Таа му се обрати и на наскоро поранешниот сопруг:

„Од дното на срцето ми е жал. Никогаш немав намера да те повредам.

Само се надевам дека иако сме разделени ќе можеме да го одржиме мирот и заедништвото за доброто на нашите деца.“

Видеата од бакнежот кои се споделуваат вирално:

С. С. | Црнобело