„Бев во Северна Кореја како турист – Ким Џонг Ун го гледаат како бог, не смеев сам да одам ни до тоалет“

Детали

вторник, 25 март 2025

Јутјубер од Англија ја посетил Северна Кореја и открива дека не смеел да зборува со локалци, постојано бил следен, како и дека Корејците ја користеле секоја можност да го величаат Ким Џонг Ун.

Северна Кореја важи за една од најизолираните земји во светот и ретко кој може да ја посети како турист.

Оние, пак, кои добиваат дозвола да ја посеат државата, мораат да следат низа строги правила – во спротивно, може да завршат и во затвор.

Британскиот јутјубер Мајк О’Кенеди е еден од ретките кои добиле можност да влезат во Северна Кореја, а на својот Јутјуб канал тој го сподели искуството.

Мајк вели дека од почетокот на пандемијата, границите на Северна Кореја биле затворени за сите туристи, па тој е меѓу првите странци кои ја посетиле државата во изминативе пет години.

Јутјуберот бил со група туристи од Франција, Германија и Австралија, а патувањето било детално испланирано неколку месеци однапред.

Пристигнале со авион, а вели дека прозорците биле затемнети за патниците да не ја видат земјата од небо.

Пред да им биде дозволен влез во државата, морале да достават листа со сите електронски уреди што ги носеле со себе.

„Надлежните ја проверија листата и пред да си заминеме, за да проверат дали сме ги понеле сите работи со нас. Им беше особено важно да проверат да не сме оставиле нешто (што им е забрането на локалците).

Не смеевме да носиме ништо што сметаат дека е чувствителна тема, како книга за Северна Кореја или УСБ со содржина за политиките на другите земји“.

Добро познат факт е дека жителите на Северна Кореја немаат интернет и не можат да телефонираат надвор од државата.

Нив им е забранет секаков контакт со надворешниот свет.

Поради ова, Мајк вели дека им било забрането да имаат каква било интеракција со локалците и не смееле ни да отидат во тоалет без дозвола.

Во текот на целото патување биле придружувани од туристички водич и Мајк истакнува дека се чувствувал како постојано да го гледаат.

Како дел од турата, Мајк и групата туристи биле однесени во парк, во банка и во фабрика за флаширана вода.

А, јутјуберот вели дека во фабриката забележал дека нема ниту еден работник, што му било чудно. Но, од туристичкиот водич не добил одговор зошто фабриката е празна.

Продолжува на следната страница...