Девојка од Британија намерно не го отворила падобранот при скок од авион, по разделбата со дечкото - родителите со моќна порака

Детали

понеделник, 26 мај 2025

По трагичната смрт на 32-годишна Британка која намерно не го отворила својот падобран за време на скок од авион, нејзиното семејство упати емотивна порака, со надеж дека ќе ја зголеми свесноста за проблемите со менталното здравје – да не криеме ако имаме проблеми и да им дадеме поддршка на блиските.

Трагичната смрт на 32-годишната Џејд Дамарел од Велс за време на скок со падобран ја разбранува јавноста, особено откако почна да се шпекулира дека извршила самоубиство.

Џејд имала долгогодишно искуство во скокање со падобран, поради што и нејзини блиски почнале да се сомневаат дека не станува збор за несреќа.

Па, се надеваат дека нејзината смрт нема да биде залудна, односно дека ќе ги натера луѓето да сфатат колку сериозни можат да бидат проблемите со менталното здравје и зошто е важно да се побара помош, но и да им се даде поддршка на оние кои страдаат.

Џејд Дамарел досега имала изведено над 400 скокови со падобран. Но, на последниот скок на 28-ми април, нејзиниот падобран не се отворил и таа веднаш загинала од падот.

Според првите известувања, нејзината смрт беше опишана како несреќен случај. Но, откако се утврдило дека нејзината опрема била исправна, почна да се претпоставува дека Џејд намерно не го отворила падобранот.

Еден ден пред трагедијата Џејд раскинала со нејзиниот дечко – 26-годишниот Бен.

Џејд и Бен, кој исто така бил искусен во скокање со падобран, биле во врска околу осум месеци и живееле заедно.

„Беа неразделни. Целото време го минуваа заедно и заедно скокаа со падобран. Живееја заедно од Божиќ, а ја почнаа врската неколку месеци претходно.

Ноќта пред Џејд да почине, Бен стави крај на нивната врска. Следниот ден тој отиде на работа и тогаш Џејд го изгуби животот“, изјави пријател близок до парот.

Засега Бен се нема огласено за трагедијата.

Сомнежите дека станува збор за самоубиство беа потврдени од официјалната изјава од клубот за скокање со падобран во кој Џејд била член, а потоа и од нејзините родители – мајка ѝ Лиз и татко ѝ Ендру.

„Со голема тага споделуваме дека ја изгубивме нашата сакана ќерка Џејд. Прекрасна, убава, храбра и навистина извонредна личност. Со весел, авантуристички и слободен дух, таа живееше со енергија, страст и љубов и допре бројни животи со нејзината топлина и нејзината добрина.

Професионално, Џејд беше особено талентирана и ценета за нејзината креативност посветеност во маркетингот. Лично, Џејд неодамна почна да оди на курс за да добие лиценца за пилот…

Ни недостасува повеќе одошто можеме да опишеме… Некои ѕвезди се толку светли, што брзо согоруваат, но нивната светлина никогаш не исчезнува.

За крај, ако страдате, ве молиме побарајте помош. Разговарајте со некого – пријател, сакана личност или професионалец, Никогаш не сте сами“.

Продолжува на следната страница...