Луксузно засолниште за судниот ден

Детали

четврток, 12 април 2012

Луксузни станови сместени длабоко под преријата во Канзас, во напуштен силос за лансирање проектили, се дизајнирани за да можат да издржат сè...

...од економски колапс, терористички напади па се до пандемии на смртоносни болести.

Овие силоси почнале да се градат на почетокот на 60-тите години, а нивната некогашна намена била лансирање проектили. Инвеститорот, Лери Хол, планира да трансформира 4 од вкупно 72 силоси кои биле во склоп на воената база „72 Атлас“.

Хол, кој е идеен творец, планира, доколку проектот се покаже како успешен и ако има доволно заинтересирани купувачи, да преуреди уште три силоси од време на студената војна, а за себе ќе си задржи секако еден стан.

Силосот е ограден со бетонски ѕид со дебелина од 3 метри, а се протега 53 метри под земјата. Моментално сите катови се споени со метални скали, но се планира изградба на лифтови кои ќе работат на отисоци од прсти. Освен базен, кино и библиотека, за време на апокалипса во засолништето ќе работат и посебни катови предвидени за амбуланта и училиште. Комплексните системи за одржување живот ќе добиваат енергија од генератори како и од алтернативни извори како ветерот.

Електрични екрани ќе ги заменат прозорите нудејќи панорами на Париз, Њујорк и рајски плажи, а целиот комплекс ќе биде покриен со камери за да се спречи било каков упад или испад од системот.

- До сега се продадени 3 ипол единици. Два се во преговори, а само уште две цели единици ги имаме на располагање – вели Хол.

Би инвестирале во вакво нешто?