Ѝ помогна на жена да се убие во капсула за евтаназија, па го уапсија: Трагичната судбина на доктор од Швајцарија

По неговото апсење, надлежните открија дека на компанијата која стои зад капсулите ѝ било забрането да ја користи во таа област во Швајцарија.

„Ги предупредивме, им испративме писмена опомена. Им кажавме дека ако ја користат капсулата во оваа област, ќе се соочат со последици“.

Исто така, капсулата не ги исполнувала потребните критериуми и, на некој начин, нејзиното користење било нелегално каде било во Швајцарија.

Иако докторот ја опишал смртта на жената како „мирна, брза и достоинствена“, поради трагите на нејзиниот врат, бил обвинет за убиство. Покрај него, биле уапсени и други лица од компанијата што ги прави и промовира капсулите, вклучително и нејзиниот дизајнер.

Но, од компанијата зад капсулите изјавија дека починатата жена имала болест која може да се манифестира и преку инфекција на коскената срж, што пак можело да создаде линии на вратот кои изгледаат како некој да ја задавил.

На крај, обвиненијата против докторот беа повлечени, но тој сè уште беше под истрага за поттикнување и помагање самоубиство со контроверзната капсула.

Целата ситуација лошо се одразила врз неговото ментално здравје, па двапати бил хоспитализиран во ментална установа.

На крај, одлучил самиот да посегне по својот живот, а се шпекулира дека ја искористил капсулата.

За трагедијата се огласи дизајнерот на капсулата:

„Кога Флоријан беше ослободен од обвиненијата во декември 2024-та, беше променеа личност. Ја немаше неговата топла насмевка и неговата самодоверба.

На негово место сега стоеше маж кој беше трауматизиран од лажното обвинение дека ја задавил жената“.

Дизајнерот додаде дека докторот починал во мај, „со помош од посебна организација“.

Според него, иако добивал помош од психијатри, докторот почнал да се соочува со сериозни проблеми со менталното здравје кои само се влошувале.

„Никој не беше изненаден (од неговата смрт). Неговиот дух беше скршен. Знаеше дека не направи ништо нелегално или погрешно, но престана да му верува на правото во Швајцарија.

Во последните моменти од животот, доктор Флоријан Вилет носеше многу поголем товар отколку што еден човек да поднесе“.

Бидејќи истрагата за капсулата и смртта на жената уште е во тек, дизајнерот не смее да открива повеќе детали за целата ситуација. Не е познато дали и тој уште се соочува со некакви обвиненија.

Спирова С. | Црнобело