„Бев на одмор во ресорт во Турција и 33-годишна предаторка му се додворуваше на син ми (16) – ме извади од такт“

Детали

среда, 04 јуни 2025

„Ова е тотално непримерно“, коментираат луѓето на ситуацијата што ѝ се случила на мајка на одмор во Турција. Таа била згрозена од односот на една 33-годишна жена кон нејзиниот син во ресортот каде што престојувале. Се случува ли ова и кај нас?

Кармел Џејд е мајка која на својот ТикТок профил проговори за ситуација што ја разбеснела на одморот во Турција.

Станува збор за 33-годишна жена, која таа ја нарекува „предаторка“, која се обидела да флертува со нејзиниот 16-годишен син за време на нивниот одмор.

Прво, жената започнала разговор со Кармел, прашувајќи ја дали нејзиниот син ги има средувано забите, на што таа одговорила: „Не, има 16 години – природни му се“.

Жената тогаш рекла: „Ах, прекрасни се...“

Неколку минути подоцна, Кармел отишла до шанкот, оставајќи го синот со дедо му. Тогаш 33-годишната жена се свртела кон момчето и му рекла: „Дај ми го твојот Снепчет“.

Кармел вели дека жената, која според неа изгледала дури и „постара од 33“, намерно чекала таа да си замине за да му пријде на синот.

„Знаеше дека е погрешно... Точно знаеше што правиш, предаторке, нели?“, вели Кармел.

Откако дознала што се случило, од синот кој ѝ пренел, Кармел ѝ отишла на жената за директно да ја праша зошто му побарала Снепчет на син ѝ.

Жената признала: „Знаев дека е погрешно, жал ми е...“

Кармел бесно ѝ дофрлила: „Што мислеше да правиш? Да го заведеш и да му купиш Биг Мек?“

Во коментарите, луѓето масовно ѝ дадоа поддршка на Кармел, согласувајќи се дека тоа било „тотално непримерно“.

Дел од коментарите на следната страница...