Рутинска пластична операција заврши со смрт на студент - мајка му 500 пати ја гледала снимката од операцијата

Детали

понеделник, 16 јуни 2025

Операцијата започнала како што треба, но главниот пластичен хирург што ја започнал интервенцијата, по околу еден час ја напуштил салата... Mрачната вистина за небезбедните клиники за пластични операции во Јужна Кореја.

Случајот на Квон Дае-хи (Kwon Dae-hee) е еден од најтрагичните и најшокантните примери за темната страна на индустријата за пластична хирургија во Јужна Кореја. Земја каде на секој чекор има клиники за изведба на пластични операции, од кои некои, за жал, се со сомнителен кадар.

Квон Дае-хи бил 24-годишен студент кој страдал од комплекси поради својата изразена вилица.

Одлучил да направи операција за намалување на вилицата - естетска интервенција која е честа во Јужна Кореја и се смета за релативно рутинска.

На 8 септември 2016 година, тој заминал во клиника во Сеул, која се рекламирала со фразата „14 години без ниту една медицинска грешка“.

Но, што тргнало наопаку?

Операцијата започнала како што треба, но главниот пластичен хирург што ја започнал интервенцијата, по околу еден час ја напуштил салата.

Операцијата била продолжена од друг млад лекар, без лиценца за пластична хирургија, кој штотуку дипломирал.

Во еден момент, немало ниту еден лекар во салонот цели 30 минути – таму биле само медицински сестри.

Кога на крајот му се влошила состојбата, клиниката повикала брза помош дури во 23:30 часот – многу часови по почетокот на интервенцијата.

Кога стигнал во болница, Квон веќе имал загубено две третини од крвта во телото и му престанало срцето на две минути.

Следниот ден бил прогласен за мозочно мртов.

Неговата мајка, Ли На-гум (Lee Na-geum), не се откажала. Побарала и добила снимка од операционата сала (која не е задолжителна, но некои клиники ја имаат за доверба).

Таа ја прегледала снимката над 500 пати и открила:

- Менување на хирурзите во текот на операцијата.

- Немарност од страна на персоналот.

- Бришење на крвта од подот 13 пати за време на интервенцијата.

- Медицински сестри што се шминкаат или гледаат телефон додека пациентот крвари.

Продолжува на следната страница...