Контроверзниот диктатор Ким Џонг Ун со сопругата и омилената ќерка - ја отвори туристичката зона во Северна Кореја (фото)

Ким најчесто се појавува со неговата средна ќерка, а KCNA ја нарече Џу Ае „саканата“ ќерка на Ким.

Подоцнежните описи како „драгоцена“ и неодамнешната формулација „почитувана“ поттикнаа гласини дека можеби неа ја подготвуваат да биде наследник на нејзиниот татко.

Инаку, новоотворената туристичка зона во Северна Кореја е најновиот обид на Ким да ја поттикне туристичката индустрија во неговата изолирана земја.

Поради санкциите воведени заради нуклеарната програма на Северна Кореја, странскиот туризам претставува еден од ретките извори на приходи за земјата.

Но, сепак, според државните медиуми, зоната за сега ќе биде отворена само за домашни гости од 1 јули.

Северна Кореја ги затвори своите граници на почетокот на пандемијата од ковид во 2020 година, но почна постепено да ги укинува ограничувањата во последните месеци.

Според севернокорејски извори, одморалиштето Вонсан Калма е доволно големо за да прими 20.000 посетители и ќе има повеќе хотели, ресторани и продавници. Меѓутоа, медиуми како BBC, AP и The Guardian напоменуваат дека деталите за проектот не можат да бидат потврдени, особено бидејќи првичното отворање било најавено за 2019 година.

Сепак, Ким изрази големо задоволство додека ја сечеше лентата на свечениот настан, нарекувајќи го ова првиот од многуте планирани туристички мегапроекти.

Kликнете на видеата од отворањето:

Повеќе постари фотографии од Ким со омилената ќерка на следната страница...