Носеше дијамантска тијара од 19 век, избра маж без кралска крв - Што знаеме за свадбата на најбогатата принцеза на светот?

Детали

сабота, 06 септември 2025

Во романтична атмосфера како од бајка, најбогатата принцеза на светот, Мари Каролина од Лихтенштајн, му кажа да на бизнисмен од Венецуела, кој нема кралско потекло и го опишуваат како „обичен човек“.

Принцезата Мари Каролина од Лихтенштајн (28) се омажи за својата љубов, бизнисменот Леополд Мадуро Фолмер (34) од Венецуела.

Таа е внука на принцот Ханс-Адам II, а швајцарскиот таблоид „Блик“ ја опиша како „најбогатата принцеза во Европа“.

Принцезата од Лихтенштајн имаше свадба од соништата.

Таа блесна во проѕирен фустан од тантела, а на главата носеше дијамантска круна од 19-тиот век.

Тијарата вреди околу 35.000 евра, иако поради нејзиното потекло (дизајнирана во 1890 година за надвојвотката Марија Тереза ​​од Австрија), се смета дека нејзината вредност е многу повисока.

Свадбата се одржа во катедралата Свети Флоријан, а прославата продолжи во гламурозниот семеен замок.

До катедралата, принцезата пристигна во олдтајмер со својот татко, а ја пречекаа и голем број луѓе од земјата, кои сакаа да ја видат својата принцеза на нејзиниот голем ден.

По венчавката, Мари Каролина и Мадуро застанаа на скалите од катедралата и се бакна, додека беа поздравени со силен аплауз од присутните.

Принцезата Мари Каролина, има тројца браќа (еден постар, а двајца помали) и е првата од децата во кралското семејство која застана пред олтарот.

Нејзиниот сопруг, пак, нема кралска крв. Тој е роден во Каракас, Венецуела, а се школувал во Велика Британија, во Хароу.

Потоа студирал на додипломски студии на Сент Ендрус, додека неговата постдипломска диплома е од колеџот Квинс во Лондон.

Сега работи како инвестициски менаџер.

Принцезата, пак, дипломирала моден дизајн во училиштето за дизајн Парсонс во Париз и Њујорк.

Швајцарскиот таблоид „Блик“ за 28-годишната принцеза напиша дека е „најбогатата принцеза во Европа“.

Кралската куќа на Лихтенштајн се смета за исклучително богата, благодарение на сопствената банка и големиот имот во недвижнини и шуми.

Лихтенштајн има големина од само 160km² и се наоѓа во срцето на Алпите, со околу 40.000 жители.

Повеќе фотографии на следната страница...