Неодговорно! Родители качиле 9-месечно бебе на смрзнат планински врв во Полска и не можеле да го симнат

Детали

четврток, 23 октомври 2025

„Да качуваш деветмесечно бебе на опасна планина без никаква опрема е повеќе од неодговорно. Среќа што водичот го спасил бебето...“, гласи еден од осудувачките коментари.

Пар од Литванија се обиде да се искачи на највисокиот врв во Полска, планината Риси, заедно со своето деветмесечно бебе.

Игнорирајќи ги постојаните предупредувања, овој пар ги надминал сите граници на неодговорност, обидувајќи се да се искачи на планински врв додека со нив во тие екстремни услови е нивното бебе.

Видеото ги шокираше сите на социјалните мрежи, а луѓето ги прашуваат: „Ова го направивте за на Инстаграм и за слава?“

Тие иако биле свесни дека ги очекуваат крајно опасни временски услови, сепак се впуштиле во искачувањето и го ставиле во ризик животот на нивното малечко.

Според пишувањата на странските медиуми, парот се обидел да се искачи и покрај предупредувањата од водичи и спасувачи за опасните услови на планината Риси.

Парот дури и немал соодветна опрема за искачување и кога сфатиле дека не можат да се симнат назад, таткото побарал крампони (специјални метални додатоци за чизми) од еден планински водич.

„Немаа никаква заштитна опрема, а кога таткото сфатил дека не може да се симне, се обидел да позајми крампони од планински водич. На крајот, водичот сам го зел бебето и го однел на сигурно“, пишуваат странските медиуми.

Како воопшто парот помислил да се качува на врвот без никаква подготовка, со нула безбедносна опрема и со деветмесечно бебе – ги шокирало властите и другите туристи на врвот.

За среќа, никој не бил повреден, а бебето било спасено благодарение на планинскиот водич.

Инцидентот предизвика голем гнев на социјалните мрежи, откако видеото се прошири и луѓето дознаа дека парот решил да се качува со бебе, и покрај очигледните опасности.

Дел од осудувачките коментари:

„Тешко е да се разбере зошто некои родители би донеле толку ризична одлука кога е во прашање безбедноста на нивното дете. Постојат илјадници начини да се ужива во природата без да се загрози животот на бебе“.

„Да погодам – го направиле тоа за на Инстаграм“.

„Да качуваш деветмесечно бебе на опасна планина без никаква опрема е повеќе од неодговорно. Среќа што водичот го спасил бебето...“

Видео како изгледало искачувањето со бебето во кенгур напред:

С. С. | Црнобело