Синот на Трамп меѓу гостите, настапи на Џеј Ло и Тиесто: Детали за една од најскапите индиски свадби

Детали

понеделник, 24 ноември 2025

Ќерката на милијардер од Индија викендов стапи во брак. Прославија со тридневна забава на која присуствуваа некои од најбогатите и најмоќните луѓе во светот, додека гостите ги забавуваа Тиесто и Џеј Ло.

Година и пол по свадбата на синот на најбогатиот Индиец, уште една раскошна индиска свадба привлече внимание во целиот свет.

Овој пат пред олтар застана ќерката на индискиот богаташ Раџу Мантетна.

Главната церемонија се одржа вчера (23.11), со што заврши тридневна прослава која ја нарекуваат и „свадба на годината“.

На прославата присуствуваа некои од најголемите боливудски ѕвезди, моќни луѓе, како синот на Доналд Трамп, но и светки познати ѕвезди.

Гостите ги забавуваше диџејот Тиесто, а настап имаше и Џеј Ло.

Таткото на невестата, Раџу Мантена, е претседател и извршен директор на компанијата Ingenus Pharmaceuticals. Иако свадбата на ќерка му е нарекувана една од најскапите во Индија, постои дебата за тоа колку изнесува неговото богатство.

Некои индиски медиуми пренесуваат дека тој е милијардер, но не се наоѓа на официјалната листа на Forbes. Некои, пак, велат и дека неговото богатство изнесува „само“ 20-тина милиони долари, што е малку чудно кога ќе се земе предвид раскошната свадба што ја организирал за ќерка му.

Малку се знае за неговата ќерка Нетра, додека нејзиниот сопруг е коосновач на технолошка стартап компанија која веќе вреди неколку милиони.

Четиридневната свадбена прослава се одржа во Удаипур – индиски град познат по своите езера, но и раскошните палати.

Во склоп на свадбата имало неколку различни настани и, почнувајќи од 20-ти ноември, настапувале низа боливудски ѕвезди, но и Џеј Ло и познатиот диџеј Тиесто.

За свадбата дури биле најмени и боливудски водители кои го воделе настанот.

На едно од видеата што се споделуваат од свадбата, се гледа и како Доналд Трамп Џуниор танцува на подиумот со својата девојка.

Џеј Ло, пак, е фотографирана со дел од гостите, а по настапот и наздрави за младенците.

Има и видео од журката што ја приредил Тиесто - за да го изгледате, стиснете на стрелката на објавата.

Повеќе фотки и видеа од раскошната свадба на следната страница...