Емотивно видео: Бездомно куче „украде“ играчка од продавница, луѓе собраа пари за да му ја купат

Детали

понеделник, 29 декември 2025

Во емотивно видео што се споделува вирално, се гледа бездомно куче кое зело играчка од продавница, а една од продавачките се обидува да му ја одземе. Но, тогаш неколку луѓе почнуваат да собираат пари за да му ја купат играчката. На крај, благодарение на видеото, кучето било и вдомено.

Деновиве вирално се споделува видео кое сме сигурни дека ќе ви го разубави денот.

На видеото се гледа бездомно куче кое „краде“ играчка од продавница, а неколку луѓе кои го забележуваат, одлучуваат да ја платат и да му ја дадат.

Видеото е снимено неколку денови пред католичкиот Божиќ (25.12) во трговски центар во градот Мерида во Мексико.

На почетокот од видеото се гледа куче во продавница за играчки кое држи кадифено мече во устата.

Една продавачка пробува да му го одземе, но кучето не дозволува.

Додека го гали и пробува да му ја земе играчката на кучето, одоколу се собираат луѓе кои гледаат што се случува.

„Ја зеде играчката и сакаше да си замине, но вработените пробува да му ја земат. Кучето не ја испушташе играчката од уста“, раскажува за The Dodo маж кој сведочел на сцената.

Но, одеднаш луѓето кои стојат пред продавницата почнуваат да даваат пари за да ја платат и играчката и да му ја дадат на кучето.

Во последниот инсерт од видеото, се гледа како кучето пресреќно трча низ трговскиот центар со новата играчка.

Благодарение на видеото, пак, кучето си нашло и нов дом.

Како што споделува The Dodo, откако го изгледал видеото, маж отишол да го најде кучето во трговскиот центар и го однел во својот дом.

Кучето е кај него веќе неколку денови, а тој вели дека почнува да се привикнува на новиот дом.

„Многу сака да си игра, но и да се гали“, открива новиот сопственик.

Погледнете го емотивното видео:

Спирова С. | Црнобело