Вториот сопруг ѝ загина, фати двајца сопрузи во неверство - Бурниот љубовен живот на Каролина од Монако

Вториот брак заврши со голема трагедија

Каролина се омажи вторпат во 1983 година, за италијанскиот наследник и возач на глисер Стефано Казираги.

Венчавката беше граѓанска, бидејќи црковниот развод сè уште не беше финализиран.

Во време на свадбата, Каролина беше бремена со нивното прво дете, Андреа Казираги.

Освен Андреа, ги добија и децата Шарлот и Пјер.

Иако делуваа среќни, нивната среќа беше прекината на 3 октомври 1990 година, кога Стефано загина во несреќа за време на трка со глисери.

Тој имаше само 30 години, а беше погребан во катедралата Свети Никола во Монако, на истото место каде што беше погребана принцезата Грејс само неколку години претходно.

Третиот брак заврши со скандал

Во 1999 година Каролина се омажи за принцот Ернст Август од Хановер, потомок на британската кралска лоза.

Нивната врска беше скандалозна уште од самиот почеток, бидејќи почна додека тој сè уште беше во брак со Шантал Хокули, пријателка на Каролина.

Парот се венчаа тајно, на 42-риот роденден на Каролина, а набрзо добија ќерка, принцезата Александра од Хановер.

Сепак, бракот беше обележан со бројни инциденти и јавни испади од страна на Ернст Август - тој уринираше на јавно место пред децата, удри новинар и шанкер, призна две вонбрачни деца, а во весниците беше објавена и негова фотографија со париска старлета.

Поради ова, принцезата Каролина го напушти.

Се разделија во 2009 година, иако никогаш официјално не се разведоа и понатаму се во брак.

А. Ј. | Црнобело