Облечен е во ZARA аутфит, пар се венча среде настап – Легендарниот и моќен перформанс на Bad Bunny на Super Bowl 2026 (видео)

Детали

понеделник, 09 февруари 2026

На полувремето од финалето на Super Bowl, Бед Бани приреди спектакуларен настап со кој симболично испрати моќна порака – со одлична сценографија што ја прикажуваше културата во неговата земја, со него танцуваа Џесика Алба, Карди Би и Педро Паскал, изненадување за сите беа Лејди Гага и Рики Мартин кои накратко запеаја и заедно со него оддадоа чест на Порторико.

Бенито Антонио Мартинез Окасио (31) познат како Bad Bunny е порторикански рапер и пејач, кој стана еден од најслушаните артисти во светот, а на овогодишното доделување, доби неколку Греми награди.

Поранешна девојка го тужеше за 40 милиони долари, пеел во црковен хор - Што знаеме за Бед Бани?

На полувремето на финалето на Super Bowl, тој ја имаше честа да ги забавува гледачите, публиката и фановите на NFL, а иако многумина не веруваа, тој сепак направи вистински спектакл со неговото шоу.

Приреди одлична забава додека ги изведуваше најголемите хитови „Tití Me Preguntó,” „Yo Perreo Sola” и „DtMF,” а на сцената се појавија и многу неочекувани ѕвезди, како Карди Би, Џесика Алба, Педро Паскал и многу други кои танцуваа со него, додека сценографијата се менуваше така што раскажуваше различна приказна за секоја песна.

Наместо футуристички сет и ефекти, сцената го прикажува секојдневието на порториканските простори – улиците, местата за социјални собири, полиња и домови кои го прикажуваа вистинскиот живот, покажувајќи дека културата не е фантазија.

@nfl

ICONIC 🎶 #AppleMusicHalftime @Bad Bunny #nfl #superbowl #badbunny #applemusichalftime

♬ original sound - NFL

Со својот настап тој оддаде почит кон сите аспекти на неговата култура – танцување, храна, кафе, игри, агрокултура и работници, значењето на луѓето, но и сиромаштијата, a за себе одбра целосно бел аутфит правен специјално за него, со потпис на ZARA.

Пејачот испиша историја и со тоа што речиси целиот негов настап беше на шпански среде американска сцена и со целиот свој перформанс го прикажа вистинскиот живот и остана верен на корените, за што немаше потреба од превод.

Бед Бани танцуваше качен на автомобил, на куќа, имаше голем број танчари со одлична кореографија, а во еден момент додека свиреа виолини, на сцената се појави пар младоженци кои беа прогласени за сопруг и сопруга.

Продолжува на следната страница...