Богата инфлуенсерка се фали со подароците од сопругот за Валентајн - Но, дали повторно лаже?

Детали

петок, 13 февруари 2026

Наводно 12 години постариот сопруг на Леонора Сми (30) секој ден од месец февруари, сè до Валентајн ѝ купува подароци, тврди таа. Но, лани таа со лажењето на Инстаграм се најде среде скандал.

Леонора Сми (30), која е родена во САД, но од 6 години живее во Велика Британија, има повеќе од 124.000 следбеници на Инстаграм, а лани се „прослави“ како „најсреќната девојка на светот“, откако нејзиниот постар сопруг ѝ подаруваше екстравагантен подарок ден за ден.

Сега, таа повторно е во центарот на вниманието.

Инфлуенсерката фокусирана на богтство и раскош, што дури го носи називот „richfluencer“, вели дека и годинава секој ден од месец февруари, во пресрет на Денот на вљубените, отвора по еден специјален подарок од нејзиниот сопруг Марк Косгроув-Смит (42).

Таа на Инстаграм отвора подароци во сончева атмосфера на луксузен одмор во Јужна Африка, па меѓудругото доби и Диор лента за чанта, вредна околу 210 евра, и сет скапи чинии.

„Не можам да верувам дека го направи ова повторно“, напиша инфлуенсерката за сопругот на Инстаграм.

Иако следбениците можеби ѝ завидуваат на романтичните потези на сопругот, не е сè како што изгледа секогаш.

Па, така лани британскиот медиум „Daily Mail“ открил дека видеата не се осмислени од нејзиниот сопруг, туку се маркетинг-кампања креирана од тимот на нејзината консултантска фирма „Luxury by Leonora“.

Концептот бил развиен, снимен и монтиран од нејзиниот тим за социјални мрежи.

Сепак, таа продолжува во свој стил:

„Навистина ми изгледа како дежа ву, Марк ме изненадува со подарок секој ден до Валентајн. Се чувствувам како најсреќната девојка на светот...“

Следбениците ѝ коментираа: „Тој е неверојатен кога станува збор за подароци“, и „Можеш ли да му кажеш на твојот сопруг да разговара со мојот?“

Леонора порано учествувала на коњички натпревари и токму така се запознала со сопругот Марк.

По сериозна несреќа со јавање, Леонора основала сопствена консултантска фирма и изградила кариера како инфлуенсер, кој промовира луксуз.

Кликнете на видеата каде таа ги отвора подароците за Валентајн:

С. С. | Црнобело