Исчезна среде ноќ, полицијата добива барања за откуп: Детали за киднапирањето на американската писателка Ненси Гатри

Снимката ја сподели и ќерката на Ненси, Савана, со опис:

„Дали некој ја препознава оваа личност? Веруваме дека мајка ни е жива. Вратете ја дома“.

Надлежните споделија дека ги испрашале сите соседи на Ненси, како и дека ги побарале нивните снимки од безбедносните камери.

Подоцна беше откриено дека полицијата нашла крв пред влезната врата на Ненси, а анализата покажал дека е нејзина.

Биле откриени и пар ракавици, иако засега не е познато дали се истите што ги носи маскирана личност.

Неколку часа по објавувањето на снимката, полицијата привела маж за испрашување во врска со исчезнувањето на Ненси. Сепак, по неколкучасовно испрашување го ослободиле.

За мажот е познато само дека се вика Карлос, кој за американските медиуми изјави:

„Се надевам дека ќе го најдат осомничениот, бидејќи тоа не сум јас“.

Според анализата на снимката од камерата на Ненси, од ФБИ се сомневаат дека напаѓачот е маж со висина од околу 183 сантиметри.

Друг чуден детаљ од случајот се пораките со кои се бара откуп, но истрагата за нив уште трае бидејќи постои можност да не се испратени од киднаперите.

Една порака била испратена на неколку американски медиуми, а во неа има детали за паметен часовник и поплава во домот на Ненси – наводно со цел да докаже дека е вистинскиот киднапер.

Според полицијата, во друга порака биле наведени два датума – 5-ти и 9-ти февруари – веројатно за давање на парите за откуп.

ФБИ откри и дека на 5-ти февруари уапсиле личност која испратила лажна порака за откуп.

Следниот ден ФБИ извести за уште една порака за која само споделија дека истражуваат дали е веродостојна.

Во меѓувреме, Савана, ќерката на киднапираната писателка, објави неколку емотивни видеа во кои моли за безбедното враќање на нејзината мајка.

„Подготвени сме да зборуваме. Сакаме да знаеме дека е жива и дека е кај вас. Ве молиме контактирајте нè“.

Во друго видео, нејзиниот брат, Камерон, открива дека не биле контактирани од никој, и повторува дека само сакаат мајка им да се врати жива.

Савана, пак, вели дека се подготвени да платат колку и да треба, само за мајка им да биде вратена.

Моментално ФБИ нуди награда од 100.000 долари за информација која ќе доведе до апсење на напаѓачот.

Истовремено, открија дека имаат добиено над 13.000 дојави од граѓани и ги истражуваат сите.

За целиот случај се огласи и Доналд Трамп, кој прокоментира дека е навистина необичен.

Спирова С. | Црнобело