Сопрузите имаат дозвола да ги тепаат, не смеат да зборуваат во јавност: Како изгледа животот на жените во Авганистан?

Детали

среда, 25 февруари 2026

На жените им е забрането да бидат прегледувани од машки лекари. Но, истовремено, на жените им е забрането да студираат, па женски лекари речиси и да нема. Со ова, жените во Авганистан речиси и да немаат пристап до здравствени услуги.

Во пресрет ан Осми март, Меѓународниот ден на жената, не треба да ги заборавиме жените кои ги изгубиле своите права.

Жените кои и во 21-ви век се угнетени и третирани како граѓани од втор ред само поради нивниот пол.

Откако талибанците ја презедоа власта во Авганистан во 2021 година, тамошните жени ги изгубија сите свои права – од право на образование, до движење во јавен простор.

Ако прекршат кое било од правилата, може да се соочат со сурова казна, како тепање, па дури и егзекуција.

Низ каква голгота минуваат жените во Авганистан?

Немаат слобода на движење и мора да следат строги правила за облекување

Жените и девојчињата не смеат да се движат во јавен простор без придружба на машки член од нивото семејство.

Генерално, можат да ги напуштат своите домови само во итни случаи, но секогаш со придружба.

Истовремено, мораат да носат бурка која им го покрива целото тело и лицето.

Покрај тоа што не смеат да си го покажат лицето во јавност, жените во Авганистан не смеат ни да зборуваат кога се излезени од дома.

Притоа, не смеат да погледнат во маж кој не им е сопруг или роднина.

Не се заштитени од насилство

Жените, но и девојчињата кои се жртви на насилство, вклучително и сексуално, немаат каде да се обратат за помош.

Неодамна The Telegraph сподели и дека сега мажите можат да ги тепаат своите жени, сè додека не им скршат коска или не им предизвикаат отворени рани.

Ова значи дека ако некоја жена е жртва на семејно насилство, нема никаков систем кој ќе ѝ помогне да се оттргне од таа средина и ќе остане заглавена.

Доколку, пак, жената побара помош кај нејзините родители, поточно татко ѝ или други машки роднини и тие ја примат кај себе, тогаш и тие ќе бидат гонети како криминалци.

Продолжува на следната страница...