Се лекувал од импотенција, заработил милијарди со перење пари: Кој е новиот мистериозен лидер на Иран?

Детали

среда, 04 март 2026

Иако не е официјално потврдено, според некои извори, новиот врховен лидер е синот на убиениот Али Хамнеи. Малку се знае за неговиот приватен живот, освен дека во 2000-тите се лекувал од импотенција бидејќи семејството му создавало притисок да добие деца. Се претпоставува и дека неговата сопруга била убиена во нападот од страна на Израел и САД.

По смртта на врховниот лидер на Иран, Али Хамнеи, водството го презеде неговиот син Мојтаба Хамнеи.

Вестите дека Мојтаба е новиот лидер не се официјално потврдени, но веќе неколку денови се шпекулира дека тој бил „фаворит“ за да ја наследи позицијата на татко му.

Меѓу медиумите кои ја споделија веста е и Daily Mail, кој се повикува на иранска телевизија.

Освен за неговата политичка кариера, малку детали се познати за приватниот живот на 56-годишниот Мојтаба.

Но, по веста дека наводно станал новиот врховен лидер на Иран, почнаа да се споделуваат некои детали.

Што знаеме за него?

Неговата сопруга веројатно е убиена

Сопругата на Мојтаба е Захра Хадад Адел, ќерка на конзервативен и моќен ирански политичар.

Се претпоставува дека се венчале во 2004 година.

Според некои извори, неговата сопруга бил убиена за време на нападите од страна на САД и Израел, но и ова е вест што не е потврдена официјално.

Одел во клиники за импотенција во Англија

Според документи кои биле споделени на WikiLeaks, по венчавката со Захра, Мојтаба бил под притисок да добие деца.

Наводно имал проблеми со импотенција, па поради ова одел во приватна клиника за плодност во Лондон.

Ја посетил болницата четирипати, пред неговата сопруга да роди дете.

„Семејството очекуваше од Мојтаба побрзо да добие деца, но тој требаше и четврти пат да ја посети Англија за медицински третман.

По престој од два месеца, неговата сопруга забремени. Во Иран тие добија син и му го дадоа името Али, како таткото на Мојтаба“, стои во еден од документите.

Продолжува на следната страница...