Се лекувал од импотенција, заработил милијарди со перење пари: Кој е новиот мистериозен лидер на Иран?

Се верува дека Мојтаба и сопругата добиле три деца, но за нив не е познато апсолутно ништо.

Го подготвувале да стане лидер, но некои го сметале за слаб

Повторно според документи објавени на WikiLeaks, Мојтаба одамна се подготвувал да ја преземе позицијата на татко му.

Али Хамнеи има шест деца и иако Мојтаба не е најстариот син, сепак се подготвувал некогаш да стане лидер на Иран.

„Во канцеларијата на врховниот лидер, Мојтаба работи во сенката на татко му. Има патувано со него низ Иран и има големо влијание врз тоа кој може да зборува со неговиот татко…

Во режимот го гледаа како способен и страшен лидер и менаџер, кој некој ден можеби ќе има барем дел од водењето на државата“.

Сепак, некои сметале дека Мојтаба не бил личност која би можела да стана ајатолах – највисоката титула кај шиитските муслимани, што ја имаше неговиот татко.

„Од него не се очекува да го достигне статусот ајатолах. Мојтаба наводно е свесен за неговите ограничувања и самиот не очекува да стане врховен лидер“, стои во документите.

Сепак, се чини дека сега веројатно станал врховен лидер.

Важи за една од најбогатите личности во Иран

Не е познато колкаво богатство има Мојтаба и иако во 2019-та бил санкциониран од САД, сепак успеал да изгради глобална империја.

Се смета дека моментално е еден од најбогатите луѓе во Иран, а некои претпоставуваат дека можеби е и милијардер.

Имал складирано огромни суми во банки во Емиратите, Сирија, Венецуела и Африка, а имал и злато и дијаманти во вредност од 300 милиони долари.

Според некои извори, имал сметка и во неколку швајцарски банки.

Наводно, на почетокот од годината пренел и над 300 милиони долари во Дубаи, во форма на криптовалути.

Се верува дека најголем дел од неговото богатство е од данокот за нафтата што ја купувале Кина и Индија.

Но, овде се и неговите многу инвестиции на луксузни дестинации.

Се шпекулира дека има приватен авион, хеликоптер за итни случаи, бројни автомобили од марката Mercedes како и коњи.

Се верува и дека има развиено глобална шема за перење пари која се проценува на неколку милијарди.

Спирова С. | Црнобело