Дечко ја запроси саканата во гардероба во ZARA и стана мета на шеги: „И прстенот ли го купи таму?“ (видео)

Детали

среда, 06 мај 2026

„Од сите места на светот, ти си ја одбрал ZARA“, „И јас би плачела“ – ова се само дел од шегите и критиките насочени кон дечко кој се пофали дека ја запросил саканата во гардероба во ZARA.

Некои сонуваат за раскошно запросување на романтична дестинација како Париз, а други сакаат овој момент да биде поинтимен и не им е многу важно каде ќе се случи.

Но, според реакциите на вирално ТикТок видео, веројатно никоја девојка не сонува да биде запросена во продавница на ZARA, и тоа во гардеробата.

Пред една недела, ТикТок корисник потпишан како Даниил сподели видео од запросувањето што ѝ го приредил на неговата сакана.

Тие се во гардероба во ZARA, а Даниил носи кошула и панталони со етикета кој веројатно ги пробувал.

Кога клекнува на колено, неговата девојка изгледа навистина среќно, а на крај од објавата има и неколку фотки од парот на кои се гледа свршеничкиот прстен.

Иако и двајцата изгледаат среќно, во коментари дечкото се соочи со критики и шеги бидејќи за посебниот момент избрал продавница за облека.

„Дали и прстенот е од ZARA?“

„Од сите места на светот, ти си ја одбрал ZARA…“

„Подобро да се имате запознато во ZARA бидејќи не гледам друга причина зошто би ја запросил таму“.

„Па дури и ги оставил етикетите од облеката“.

„Можеби сакал да биде дотеран со нова облека без да троши пари“.

„Запросување во ZARA, а развод во Primark“.

„И јас би плачела“.

„Дали ZARA ќе ви ја спонзорира свадбата?“

„Редиците пред гардеробите во ZARA и онака се долги…“

Но, некои ги осудуваат луѓето кои пишуваат лоши коментари:

„Се жалиме дека социјалните мрежи се полни со лажни запросувања и слично. Но, кога ќе видите едноставно запросување, веднаш осудувате. Ги мразам коментарите на ТикТок“.

„Сите се жалат, но вистината е дека таа е среќна и тоа е најважно“.

Погледнете го видеото:

https://www.tiktok.com/@daniilvorozhbyt/video/7634008277134724359

Спирова С. | Црнобело