Татко ѝ тврди дека ја убиле сопругот и свекрвата за миразот, тие негираат: Детали за смртта на позната индиска актерка

Детали

среда, 27 мај 2026

Индиската актерка Твиша Шарма била пронајдена мртва во домот што го делела со сопругот, само пет месеци по венчавката. Додека тој тврди дека извршила самоубиство, нејзиното семејство е сигурно била убиена од свекрвата и сопругот, а една од причините е и нејзиниот мираз.

Фемицидот е сериозен проблем во Индија, па смртта на позната индиска актерка предизвика лавина реакции во јавноста.

Твиша Шарма, која работела како актерка и модел, починала на 12-ти мај, само пет месеци по нејзината свадба со сопругот адвокат.

Од една страна, семејството на адвокатот тврди дека извршила самоубиство, но семејството на Твиша е уверено дека таа била убиена.

33-годишната актерка била пронајдена мртва во домот што го делела со сопругот, а нејзиното семејство тврди дека таа била малтретирана и од него, и од свекрвата.

Една од причините за конфликтот бил миразот, односно парите и имотот што тие очекувале таа да ги земе од нејзиното семејство.

Адвокатот и неговата мајка тврдат дека Твиша имала сериозни проблеми со менталното здравје и затоа извршила самоубиство.

Што знаеме за целиот случај?

Твиша Шарма и нејзиниот сопруг Самарт Синг се запознале на апликација за состанување и набрзо потоа решиле да се венчаат.

Самарт е адвокат во Индија, додека неговата мајка, Гирибала, е поранешна судијка.

Твиша, пак, покрај тоа што работела како актерка, победила на натпревар за убавина, била факултетски образована и потекнува од богато семејство.

Уште од најрана возраст била амбициозна, а нејзините родители велат дека не веруваат дека самата посегнала по својот живот.

Но, истакнуваат дека забележале проблеми меѓу неа и сопругот.

„На почетокот не мислевме дека проблемите се големи. Мислевме дека е проблем со комуникацијата што ќе го решат со текот на времето“, открива мајката на Твиша за NDTV.

Само неколку денови по свадбата, односот меѓу Твиша и сопругот како да почнал да се влошува.

Продолжува на следната страница...