Застрашувачки видеа од земјотресот на Филипините со јачина од 7,8 степени – постои и опасност од цунами

Детали

понеделник, 08 јуни 2026

Јужниот дел од Филипините беше погоден од силен земјотрес во кој има и жртви – засега 15, но надлежните стравуваат дека бројот ќе расте. Поради јачината на потресот, издадено е предупредување за цунами што може дополнително да ја отежне ситуацијата.

Утрово, околу седум часот по локално време, јужниот дел од Филипините беше погоден од силен земјотрес со јачина од 7,8 степени според Рихтер.

Од потресот се срушиле неколку згради, а за жал има и жртви – засега се 15.

Спасувачките екипи се на терен и работат на извлекување на преживеани од урнатините. Но, како што споделуваат надлежните, многу згради кои не се срушиле сепак не се стабилни, па бројот на жртви и повредени може да расте.

Надлежните издале предупредување и за цунами бидејќи потресот зафатил дел од крајбрежјето.

Поради јачината на земјотресот, предупредување за цунами е издадено и во неколку други земји во Тихиот Океан, вклучувајќи ги Индонезија и Тајван.

Според надлежните, на некои делови од Филипините било можно да се појават бранови со висина и до три метри.

По силниот земјотрес имало и неколку афтершокови, од кои дел достигнувале јачина од 6,5 степени според Рихтер.

Земјотресите се секојдневна појава на Филипините бидејќи островите се лоцирани на област со голема сеизмичка активност.

Сепак, повеќето од овие потреси се многу мали и луѓето не ни ги забележуваат.

Посилните земјотреси не се толку чести, а денешниот се вбројува меѓу еден од најсилните од поновата историја на државата.

За насилен земјотрес се смета оној од 1976 година, со јачина од 8 степени според Рихтер, кој беше причина за над 4.700 смртни случаи.

Морничави видеа од денешниот земјотрес споделени на Твитер:

Продолжува на следната страница...