Застрашувачки сцени од пожар во бар во Бангкок – загинати се најмалку 27 луѓе, повеќето се криеле во тоалет (видео)

Детали

понеделник, 13 јули 2026

Трагедија во Тајланд... Пожарот во барот избувнал близу сцената, а се шират застрашувачки снимки на кои се гледа како пламенот дивее низ влезната врата – повеќето луѓе кои се обидувале да се скријат во тоалетот, подоцна биле најдени без знаци на живот.

Во главниот град на Тајланд, Бангкок, ноќеска се случи страшна трагедија, откако избувна пожар во пабот Rong Beer Na Lat Phrao.

Во несреќата загинати се најмалку 27 лица, од кои 18 жени и 9 мажи, а 8 се тешко и критично повредени, според досегашните информации кои ги споделува BBC.

Пожарот избувнал во близина на сцената и огнената стихија брзо почнала да се шири, заради што гостите во паника почнале да врескаат и да бегаат кон излезот.

Голем дел од нив пробале да најдат засолниште во тоалетот, но токму таму подоцна нивните тела биле најдени безживотни.

Во внатрешноста на барот, според очевидци, глетката е морничава, шишиња пиво уште стојат на масите, но покриени со пепел, а мирисот на изгорена пластика уште се чувствува, и неколку часа подоцна, додека пак повеќето прозорци се искршени.

Пожарникарите интервенирале брзо и го ставиле под контрола пожарот во рок од 30 минути, а првичната истрага укажува дека можна причина за несреќата е електричен кратој спој во клима-уредот.

Иако уште нема официјален извештај, истрагата ќе продолжи детално, а светските медиуми пренесуваат дека ова не е прв ваков случај во Тајланд, иако надлежните постојано ветуваат подобрување на стандардите за електрична безбедност.

На социјалните мрежи кружат многу видеа од застрашувачки сцени од пожарот на кои се гледа паниката во локалот, но и морничавата огнена стихија која дивее низ влезната врата.

М. М. | Црнобело