Судот бара извештај за децата на Мајкл Џексон

Детали

сабота, 28 јули 2012

Судијата побарал истрага за тоа како се води грижа за децата на починатата поп ѕвезда Мајкл Џексон, откако неговиот брат обвини дека старателите се служат со измами во борбата за контрола врз повеќе милионското наследство.

Судијата Мајкл Беклоф од судот во Лос Анџелес именувал лице коешто ќе разговара со Принс на 15, ПАрис на 14 и Бланкет на 10 годишна возраст. Тој ја донел одлуката бидејќи семејниот адвокат предложил мајката на Мајкл Џексон, 82-годишната Катрин Џексон да го сподели старателството над децата со својот внук 34-годишниот Тито Џексон помладиот.

Тито во средата добил привремено старателство, бидејќи бабата Катрин на подолг период заминала од семејниот имот крај Лос Анџелес.

Во четвртокот Катрин се вртила од Аризона и на националната телевизиска мрежа ги демантираше шпекулациите дека е грабната од некое од нејзините возрасни деца. Нејзиниот адвокат во петокот изјави дека предлогот за новиот договор за старателство идната седмица ќе му го предаде на судијата Беклоф.

Сепак, Ренди, едниот од браќата на Мајкл Џексон, продолжува со нападите неименувајќи засега никого посебно. „Тие сакаат да ја изолираат мојата мајка од семејството, токму како што тоа му го сторија и на Мајкл, за да ги шират своите лаги, да ги остваруваат финансиските планови и да го штитат лажниот тестамент“, напиша во петокот Ренди Џексон на својот профил на микроблогот Твитер.

„Се плашам, верувам дека ќе и го одземат животот на мојата мајка“, се додава во твитот на Ренди.

28.07.2012 (Макфакс)