Ќе си ги носи во гроб?

Детали

четврток, 07 мај 2009

Џејн Џуб е жената која е на умиирање и која сака да ги има своите миленичиња истетовирано по своето тело и на тој начин, да ги “понесе со себе” во гроб.

 

Џејн го дели својот дом со повеќе од 20 животни, вклучувајќи ракун, пирана, змија и лисица, и веќе половина од нив веќе ги има исцртано по својот врат, раце и грб.

“Кога ми дијагностицираа рак на белите дробови и ми кажаа дека немам уште многу време преостанато, знаев дека на моите миленичиња ќе им недостасувам најмногу.

Па така дојдов до идеата сите животинчиња да ги истетовирам по моето тело. На почетокот, маж ми сметаше дека е тоа луда идеа, но јас отсекогаш сакав да се истетовирам, па ова дојде како оличен повод да го направам тоа, со тоа што ќе си ги задржам своите миленичиња засекогаш со мене”, изјави Џејн.

Беа потреби цели 6 часа за да се истетовираат четирите ракуни на нејзиниот грб. Потоа, слепа лисица е истетовирана подолу на грбниот дел, додека мачките ја заземаа целата десна рака. Игуаната исто така ќе се изработи на нејзиниот вратен дел, и сеуште се бараат места за нејзината змија, куче и папагалче.

Г-ѓа Џуб престана со терапиите за канцерот. Таа вели: “Моите миленичиња се единствената причина која ме тера да станам наутро. Не знам уште колку ќе живеам, но вака барем ќе ги имам нив со мене.

Подобро да поминам квалитетно време со животинчињата и со нив да го поминам летото, отколку подолг живот, минат во болница”.