Вознемирувачко: Туристка на скијање сакала да си направи селфи со леопард - ѝ го искасал лицето (видео)

Детали

понеделник, 02 февруари 2026

Туристка на скијање направила застрашувачко селфи со редок снежен леопард само неколку моменти пред тој да ѝ го нападне лицето. Ова вознемирувачко видео е огромно предупредување...

Туристка на скијање била тешко повредена по напад од снежен леопард во областа на селото Талат, во северна Кина, на 27-ми јануари.

Според локалните извештаи, инцидентот се случил кога скијачката опасно му се приближила на дивото животно обидувајќи се да направи селфи со него на патот назад кон хотелот.

Селфито ја прикажува жената како се насмевнува, додека леопардот е веднаш зад неа во снегот, изгледајќи подготвен да скокне.

Видеото направено неколку моменти подоцна ја прикажува туристката заглавена под леопардот во длабок снег, пред да биде извлечена со помош на други луѓе, држејќи се за лицето покриено со крв.

И покрај предупредувањата од властите еден ден претходно, откако животното било забележано во областа, скијачката му се приближила на околу три метри, откако го забележала во снегот, бидејќи наводно не можела да добие доволно добар агол за фотографија.

Животното потоа скокнало и ѝ го искасало лицето, пред нејзиниот инструктор по скијање да го избрка мавтајќи со скијачките стапови.

Кацигата ја спасила жената од уште посериозни повреди. Таа била пренесена во локална болница на лекување, каде што се наоѓа во стабилна состојба.

Леопардот бил забележан од туристи кои престојувале во хотел во областа уште претходниот ден, а најверојатно се приближил поради глад.

Сопственикот на хотелот изјавил:

„Го видовме синоќа, неколку километри од местото каде што се случи нападот, но не можеме да потврдиме дали станува збор за истиот снежен леопард“.

Локалните власти ги предупредиле граѓаните дека во последните денови биле пријавени повеќе појавувања на снежни леопарди во таа област.

Снежните леопарди се големи предатори со силна агресивна природа.

„При движење низ оваа област, ве молиме движете се брзо и не се задржувајте.

Не излегувајте од возилата и не приближувајте се за фотографирање и никогаш не шетајте сами во околината“, гласело предупредувањето.

Продолжува на следната страница...