Погреб или спектакл ?

Детали

сабота, 04 јули 2009

Почивалиштето на Мајкл Џексон, луксузниот сандак обложен со злато е гламурозен како и секој детал од погребувањето на познатиот пеач, пишуваат медиумите.

 

Имено, Мајкл Џексон ќе биде закопан во мртовечки сандак вреден 25.000 долари. Сандакот со име Promethean е направен од бронза и е обложен со 14-каратно злато, а внатрешноста е направена од најпрефинетото кадифе. Во истиот тип на кофчег беше закопан и легендарниот пеач Џејмс Браун во 2006тата година.

Судејќи по последното испраќање на Мајкл Џексон, многумина повеќе го доживуваат како некој забавен спектакл, отколку како погребување, бидејќи парадата што ќе биде одржана во чест на животот и делото на Мајкл Џексон ќе го отвори циркусот 'The Ringling Bros Barnum And Bailey' чие мото е, иронично, "најголемото шоу на светот".

Многу познати ѕвезди на овој начин ќе мораат да се опростат од Џексон, а посетителите ќе мораат да резервираат карти за овој настан, иако тие ќе бидат бесплатни.

Меморијалот ќе биде одржан во The Staples Center во Лос Анџелес, а помеѓу останатите, свое обраќање ќе имаат пеачката Дајана Рос, филмската дива Елизабет Тејлор и пеачот Пол Мекартни.

Менаџерот и пријателот на Мајкл - продуцентот Квинси Џоунс изјавил дека не сака да присуствува на погребувањето, бидејќи тоа не е она што тој сака да го види.