Најемотивната приказна од Сочи: Братска љубов без граници

Детали

четврток, 13 февруари 2014

Канадскиот скијачки шампион кој се закити со злато во Сочи ја приреди најемотивната прослава која за миг ќе ви ги стопли срцата.

26-годишниот Александар Билодо безброј пати до сега зборуваше за блискоста која ја дели со неговиот брат Федерик, кој има дијагностицирана церебрална парализа.

На Федерик му било кажано дека по 12-та година во животот веќе нема да може да се движи. Но, и покрај тоа што тој има 15 години, сè уште се движи без препреки.

Баш затоа, кога Алекс беше прогласен за конечен победник, Федерик верно навиваше и му ја даде сета поддршка која ја имаше во себе.

Во тој момент, Алекс без размислување му пријде, силно го прегрна и го извлече Федерик преку оградата за публика, за по неколку секунди заедно да прослават.

„Баш како и вие, тој има огромни соништа, а повеќето од нив не е возможно да ги реализира. Сепак, тој сè уште сонува и зборува за тоа, без жалење дека тие се нереални за него,“ вели Алекс за неговиот брат.

Уживајте во најемотивниот момент во Сочи кој воедно измами милион насмевки и исто толку солзи на очите на гледачите: