Како една средба може да ви го промени животот

Детали

понеделник, 23 јуни 2014

Рекламата за една осигурителна компанија во која глетката кога таткото ќе отиде на прв состанок со своето мало девојче, како се забавуваат и колку се среќни е неодолива. Но, она што се крие зад оваа реклама е една поинаква приказна.

Компанијата „BeCause of Camilito“ не е само обична осигурителна компанија, туку тоа е и хуманитарна организација која донира за сиромашните деца ширум светот.

Целата идеја била поттикната од една посебна средба.

Еден од агентите го раскажува своето доживување при средбата со Камилито:

„Како дел од мојата работа бев пријавен за да отидам во посета на Колумбија со цел да го запознаам детето за кое ќе треба да донирам.

За неколку часа се најдов во Колумбија, а по 3 дена отидов во Богота, во домот на Камилито.

Средбата со него ми го промени животот. Бевме тотални странци, зборувавме различни јазици и немавме ништо заедничко, освен вербата во Бога, но тој успеа да ми го стопи срцето.

Помислата на него и на безброј други деца кои чекаат да бидат спасени од сиромаштијата ме оставаше без зборови.

Знаев дека нема ништо подобро што може да го направиме со заработката на компанијата од тоа да им помогнеме на децата како Камилито“.

Така, осигурителната компанија „BeCause of Camilito“ прерасна во голема хуманитарна организација, која својот профит го донира за помош на сиромашните.

Погледнете ја рекламата зад која се крие оваа приказна:

Колку многу може да им се помогне на сиромашните доколку компаниите барем мал дел од заработката го донираат хуманитарно?