Мајката на најзгодниот осуденик: „Крив е само што е убав“

Детали

четврток, 26 јуни 2014

Кетрин Енџиер, мајката на Џереми Микс чија фотографија од полициската станица ги освои женските срца, реши јавно да ја раскаже својата приказна.

Според нејзините зборови, Џереми ја напуштил „бандата“ пред 6 години кога се оженил, а изминативе неколку години дури и добил работа.

Таа тврди дека е уапсен заради старите тетоважи чие отстранување не можел да си го дозволи, додека пиштолот за кој немал дозвола го носел за сопствена заштита.

„Несреќен е и загрижен заради тоа што му се случува и секое утро се буди плачејќи. Денес ми кажа дека прв пат не се разбудил во солзи,“ вели мајката на Џереми.

Нејзиниот згоден, синоок син веќе 6 години е оженет и има дете, неговата сопруга е медицинска сестра, а и самиот изминативе неколку години имал пристојно работно место.

Мајката на Микс тврди дека е вистина неговото минато, но и дека тоа биле само лудории во младоста.

Таа верува дека тој е уапсен заради старите тетоважи кои немал пари да ги отстрани, односно заради буквите NC кои се ознака за криминална банда и солзата на аголот на окото, која укажува на личност одговорна за убиство или поминала многу време во затвор.

Во меѓувреме, благодарение на славата кој ја стекна по социјалните мрежи, добил бројни понуди за филмски улоги и модел.

И понатаму мајката и сопругата на Микс се обидуваат да соберат 6.000 долари за да му овозможат адвокат и пристојно судење. До сега им пристигнале околу 4.000 долари на сметката, во главно од анонимни донатори.