Во Венеција за 1 цент

Детали

понеделник, 17 август 2009

Неверојатна среќа за гостите, но не толку среќна и финансиски исплатлива грешка за еден хотел во близина на Венеција кој во оглас понудил ноќевање за 1 цент.

 

Среќниците кои успеале он-лајн да резервираат соба во овој хотел каде реалната цена од ноќевање е 150 евра, ќе можат да ги остварат своите резервации.

Понудата успеале да ја резервираат околу 230 луѓе од кои ниту еден не резервирал помалку од 6 ноќевања во хотелот Crowne Plaza.

Хотелот се наоѓа на само 20-тина километри од Венеција - едно од главните италијански туристички места.

Воден е од Intercontinental Hotels Group (IHG) кои информирале дека ќе ги почитуваат аранжманите направени за време на грешката која била објавена.

“Иако цената е погрешна, IHG е обврзан да ги исполни сите резервации на своите гости кои веќе имаат потврда“ - известува Моника Смит, претставничка на хотелот.

Со оглед на тоа дека се резервирани околу 1.400 ноќевања, целата “мала грешка“ ќе ја чини компанијата околу 90.000 евра.