Писториус не е виновен за убиството на својата девојка

Детали

четврток, 11 септември 2014

Јужноафриканскиот параолимпиец, кој на Св. Валентин минатата година ја уби својата девојка, е ослободен од оптужбите за убиство со умисла.

Судењето за денес е завршено, а утре од 8:30 по локално време судијката ќе продолжи со читањето на пресудата на Писториус.

Судијката ги разгледувала можностите што би се случило ако друго лице е на негово место.

„Можел да го земе мобилниот и да повика полиција или да оди на балконот и да викне помош, што и направил по пукањето. Би му требало многу помалку време да оди до балконот, отколку до бањата,“ рекла судијката.

„Разумната личност не би испукала 4 куршуми во врат. Разумната личност би направила било што за да ја спречи смртта. Реагирал претерано и нагло, очигледно бил несвесен.“

Писториус во текот на целото судење инсистирал и повторувал дека ја убил девојката мислејќи дека се работи за крадец.

Пред изрекувањето на пресудата, судијката рекла дека државното судство не докажало дека Писториус е крив за убиство со умисла.

„Државата не докажа дека оптужениот е крив за убиство со мисла. Нема доволно факти кои би го поддржале тоа тврдење,“ гласела пресудата.

Судијката исто така признала дека девојката е убиена под необични околности кои немаат преголема смисла. Изјавила и дека остануваат низа неодговорени прашања за кои може само да се шпекулира.