Љубовта прави чуда: Овој човек од ѓубре направил рајски остров за двајца

Детали

четврток, 13 ноември 2014

Британецот Ричарт Сова кој има 61 година, точно 7 години го градел својот пловечки еколошки рај во близина на Канкун, Мексико.

Среќата му се насмевнала откако минатата година ја запознал својата сродна душа - Џоди Болин.

„Отсекогаш сакав живот на пуст остров. Но, многу е поубаво сега кога имам драга личност со која можам да го поделам животот на својот рајски остров.“

Островот на Ричарт се наоѓа на 30 метри од брегот и се потпира на пластични шишиња наполнети со воздух, дрвени даски и песок.

Куќата е на 3 нивоа, има 2 спални соби, кујна, вода, струја и интернет. Опкружена е со палми и дрва на кои растат различни видови овошје.

„Мојот план е да станам потполно независен. Вегетаријанец сум и си одгледувам билки со кои се хранам. Кога сакам нешто поразлично, одам до најблиската продавница.“

Ричарт исто така изградил и брод од пластични шишиња во кој може да се возат дури 8 лица.

На неговата Џоди и било јасно дека сака да живее тука уште откако прв пат го посетила островот.

„Островот се лула на вода, па ви се чини како да сте во рацете на саканата личност кога ќе легнете да спиете,“ вели Џоди и додава дека ужива во здравиот и скромен живот со нејзиниот сопруг.

„Штом се запознавме, си помислив: Еве го човекот кој го живее мојот сон!“ вели таа.

Погледнете го малиот рај на земјата: