Докторите му рекле дека има уште 6 месеци живот, но тој ги надживеал сите

Детали

среда, 26 ноември 2014

Девет различни доктори му рекле дека му останале 6 месеци живот и Стаматис Мораитис требал веднаш да започне агресивен третман на хемотерапија, но наместо тоа тој одлучил да замине во својот роден крај.

На почетокот го фатила тешка депресија и со денови поминувал во кревет, а за него се грижеле неговата мајка и сопруга. Еден ден му се вратила вербата и желбата за животот.

Со оглед на тоа дека му останало кратко време за живеење, тој започнал активно да се дружи со луѓето и да шета.

Во текот на наредните неколку месеци тој почувствувал огромна сила и одлучил да си насади своја градина, а не ни очекувал дека ќе доживее да ги види плодовите од градината, да ужива во сонцето и на свежиот зрак покрај морето, во својот роден крај во Грција.

Поминале 6 месеци, но Мораитис не умрел, туку тој работел на земјата, се будел рано и целиот ден го поминувал надвор на свежиот воздух.

Така поминале неколку години, а тој станувал сѐ поздрав, односно така се чувствувал.

После цели 30 години, тој одлучил да ги посети докторите и да се провери уште еднаш за да сфати што се случило со неговото здравје. Но, не успеал да ги пронајде докторите, бидејќи сите до еден биле починати.

Иако не бил богат, Мораитис му се радувал на животот и тој вели дека рецептот за долг живот се состои во добриот одмор, физичките активности во природата и ослободувањето од стресот.

Човекот кој ја одби хемотерапијата, верувале или не, починал на 102 години.