Нгоронгоро - животински рај

Детали

понеделник, 05 октомври 2009

Нгоронгоро, до неодамна релативно непознат кратер на изгасен вулкан во северна Танзанија, последниве неколку години се претвора во...

 

...најпосакувано туристико одредиште во Африка.

Во оваа огромна долина, опкружена со 600 метри високи ѕидови на кратерот во затворен еко-состав веќе стотина години живеат повеќе од 30.000 животни, меѓу кои и големите африкански ѕверови како лавови, носорози, слонови, леопарди и биволи.

Точниот број на зебри и антилопи е непознат бидејќи со нив се хранат покрај животните и Масаи-те, припадници на воено племе кое го користи кратерот како ловиште.

Овој единствен еколошки состав кој претставува најгусто населено место со животни во светот, на Европјаните до скоро им бил непознат.

- Еден од првите белци кој дошол во Нгоронгоро бил Бернхард Грзимек, директор на хамбуршката зоолошка градина.

Тој заедно со својот син Мајкл во средината на минатиот век подигнал логор во кратерот од каде ги броел и класифицирал животните.

Мајкл загинал од падот во самиот кратер, а резерватот за туристите останал релативно непознат до денес. Сфаќајќи го туристичкиот потенцијал на овој кратер, танзаниските власти почнале да го рекламираат овој природен резерват.

Бројот на туристи за само неколку години вртоглаво пораснал. За да ја сочувааат еколошката рамнотежа на Нгоронгора, повеќе не се дозволува кампување во кратерот, туку за туристите е изграден еден вид на хотел со бунгалови во афрички стил на самиот раб на кратерот, од каде во текот на денот туристите се спуштаат до дното на изгаснатиот вулкан.

“Го развиваме туризмот, но не сакаме да го загрозиме биосоставот кој се развива независно од останатите делови на Африка. Додека немаше туристи, ретки беа посетителите кои подигнуваа шатори во кратерот, но сега посети се дозволени само преку ден“ - велат од управата.

Погледнете како изгледа ова живеалиште на безброј животни.