Убавината не е пресудна: Најгрдата жена на светот е храбра и успешна

Детали

четврток, 03 септември 2015

Лизи Веласкез има 26 години и боледува од ретко генетско заболување поради кое изгледа многу постаро и не може да се дебелее, а низ социјалните мрежи стана позната како најгрдата жена на светот.

Веласкез има само 28 килограми и висока е 157cm, а поради генетското заболување кое влијае на нејзините мускули, лице, мозок и коски, таа никако не може да добие повеќе килограми.

Кога имала 17 години таа станала жртва на негативните коментари и онлајн малтретирањата кои доаѓале од социјалните мрежи. И пишување дека треба да си го заврши животот, дека е најгрда жена на светот...

Негативните искуства започнале кога за првпат тргнала на училиште и сфатила дека е поразлична од другите деца.

„Тоа беше многу трауматично искуство за една 5-годишна девојка“ – објаснува Веласкез, но со поддршката од родителите израснала во позитивна личност која стекнала пријатели и се занимавала со дополнителни активности во животот.

Сè се променило кога на YouTube наишла на видео од неа кое било преполно со негативни коментари како: „нејзините требале да ја абортираат“, „требале да ја запалат“...

Никој не викал: „Таа е само дете, оставете ја на мира“ или „Не ја знаете нејзината приказна за да зборувате така“.

Сепак, тоа што го добила прекарот „Најгрда жена во светот“ не ја спречило да стане успешна жена. Таа денес има напишано книга и е мотивациски говорник, а нејзиното Тед видео има повеќе од 8 милиони прегледи.