Почина Заха Хадид, „Кралицата на кривата линија“

Детали

петок, 01 април 2016

Светот на архитектурата и дизајнот остана посиромашен за уште еден кративен ум, чии дела ја воодушевуваа јавноста, оставајќи ја без здив.

Заха Хадид, родена во главниот град на Ирак, Багдад, беше првата жена архитект, која оваа година во февруари го доби Златниот медал од страна на Кралскиот институт на британски архитекти, како признание за нејзината работа. Оваа престижна награда претходно се нашла и во рацете на врвни архитекти, како Жан Нувел и Оскар Нимаер.

Талентираната британска архитектка почина ненадејно од срцев удар на 65-годишна возраст, во болница во Мајами, каде што била лекувана од бронхитис.

Добитничка на многу награди и признанија низ годините, Хадид неуморно работеше со цел да се етаблира не само себеси како квалитетен архитект, туку воопшто, да ја промени улогата на жената во овој навидум „машки занает“.

„Понекогаш предизвиците се неизмерни. Доживеавме огромни промени во текот на изминатите години и ќе продолжиме со напредокот“, е една од последните изјави на Хадид, алудирајќи на улогата на жените архитекти.

Хадид воедно е првата жена добитник на Прикеровата награда за архитектура, која е пандан на Нобеловата награда во архитектонскиот свет.

Меѓу најпознатите дела во портфолиото на Хадид се Олимпискиот воден центар во Лондон, Националниот музеј на современа уметност во Рим, Риверсајд музејот во Глазов, централната зграда на BMW во Лајпциг и многу други.

Делата на Хадид остануваат сведоци на една уникатна визија на архитект кој се раѓа еднаш во 100 години, отсликувајќи ретко повторлив талент и имагинација.

Во продолжение се 10-те најдобри градби по кои светот ќе ја памети:

• 
• 
• 
• 
• 
• 
• 
• 
• 
• 
•  

(O)Милена | Црнобело