Аутистично момче само си честитало роденден, сè додека не пристигнале 20.000 честитки од целиот свет

Детали

вторник, 30 август 2016

Срцето на 49-годишната Карен Џоунс од Ексмаут, Англија, буквално се скршило од болка кога виделa како нејзиното аутистично синче си пишува две роденденски честитки и ги адресира до себеси.

Тогаш решила да побара помош јавно на Фејсбук, преку порака во која ги замолила корисниците доколку им се наоѓа некоја стара честитка по дома да ја испратат до нејзиниот син Оли, бидејќи тој нема многу пријатели поради аутизмот, а толку многу сака да отвара честитки.

Луѓето уште еднаш ја покажаа својата хуманост и љубов на дело, испраќајќи повеќе од 20.000 честитки за роденденот на Оли.

Тој добил повеќе честитки отколку што просечно добива кралицата на Англија за роденден.

Стотици подароци развлекоа насмевка на лицето на Оли и неговата мајка, вклучувајќи Xbox од Саудиска Арабија и ваучер за бесплатно патување.

Неговата мајка била трогната од вниманието на толку многу непознати луѓе и искрено им се заблагодарила, шегувајќи се дека ќе им биде потребна цела една година да ги отворат сите честитки.

Погледнете го хуманиот гест на дело:

• 
• 
• 
• 
• 
• 
•  

(О)Милена | Црнобело