Шеф каков што секој посакува: Им дава по $2.000 долари на вработените за одмор

Детали

среда, 28 септември 2016

Постојат таков тип на луѓе кои избегнуваат да земат денови за годишен одмор од страв дека тоа ќе има последици по нивното работно место.

Марк Даглас, директорот на макертинг компанијата „SteelHouse“ се соочил со таков проблем.

Неговите вработени одбивале да одат на одмор.

Но, имајќи на ум дека вработените се далеку попродуктивни кога се одморени, знаел дека мора да најде решение како да ги натера да отидат на одмор и да ја добијат заслужената и неопходна релаксација.

Решил на вработените да им даде по $2.000 долари кои можат да ги потрошат само на одмор - не е важно дали веднаш ќе ги потрошат сите пари или ќе ги користат на делови.

Со други зборови, на сметка на компанијата, вработени можат да одат каде ќе посакаат и да прават што и да посакаат.

Резултатите зборуваат сами од себе.

Во последните 3 години само 5 од 250 вработени си заминале од компанијата, од кои тројца заминале од други причини, неповрзани со работата или компанијата.

Исто така, после одморот, вработените биле далеку попродуктивни.

„Едно е да кажете на вработените имате 3 недели за одмор“ - вели Даглас.

„Но, друго е да ги прашате вработените дали имаат и неопходни средства за тој одмор.“ - додава.

„А, од неизмерна важност е секој вработен да може да си ја врати енергијата и навистина да се одмори, барем еднаш годишно.“ - продолжува.

Според него, од најголема важност за компанијата е вработените да бидат одморени и полни со енергија за да бидат продуктивни.

Н. Г. | Црнобело