Каде да не се сликате кога ќе отидете во Берлин?

Детали

петок, 20 јануари 2017

Израелскиот уметник Шахак Шапира започна уметнички проект наречен „Yolocaust“ за да ги посрамоти оние кои си прават селфи фотки од Споменикот на жртвите од холокаустот во Берлин.

„Последните неколку години забележав интересен феномен пред Споменикот на жртвите од холокасутот во Берлин, луѓето го употребуваат како место за правење селфи фотки, па решив тие фотки да ги комбинирам со сцени од нацистичките контрациони логори“ - вели Шапира.

Селфи фотките ги барал на Инстаграм, Фејсбук и Твитер и ги комбинирал со застрашувачки сцени од концентрационите логори заедно со коментари, хаштази и лајкови.

„Околу 10.000 луѓе секојдневно го посетуваат споменикот кој сведочи за убиствата на 6 милиони Евреи и го користат за да направат фотки или да возат велосипеди или скејт на нив. За некои ова место е симбол на масовните гробници, а за некои само шега“.

Сепак, тој вели дека може и да ги тргне непријатните фотографии, по барање, но само ако и личноста од другата страна реши да ја избрише фотографијата: 

Н. Г. | Црнобело