Принцезата од Саудиска Арабија која ги руши стереотипите за жените од Блискиот Исток

Детали

вторник, 09 мај 2017

Амира ат-Тавиљ е 33-годишна принцеза од Саудиска Арабија која инспирира со својата желба светот да го направи подобро место за живеење.

Таа е прекрасна, самоуверена, храбра и жена со цел. Се концентрира на хуманитарните проблеми не само во Саудиска Арабија, туку низ целиот свет.

Посетила повеќе од 70 земји за да ги разбере и реши големите проблеми со кој се соочува светот.

Принцезата се бори против сиромаштијата и последиците од природните непогоди.

Учествува во многу хуманитарни организации, сама отворила центар за заштита на младите во Западна Африка, помогнала на жртвите од поплави во Пакистан, отворила Центар за изучување на Исламот на Универзитетот во Кембриџ и ја предводела мисијата за помош на Сомалија.

Таа е меѓу првите жени во нејзината земја која одбила да носи Абаја - долг, широк фустан кој го покрива целото тело и почнала да носи модерна облека.

Поточно, таа носи комбинација на модерни и традиционални парчиња на облека.

Меѓу другото, таа се разликува и по други работи од традиционалниот начин на живеење. Вози автомобил, стекнала високо образование во САД и добила диплома за Бизнис Администрација.

Принцезата смета дека сите жени во нејзината земја треба да имаат право за избор и се обидува тоа да го претвори во реалност.

Принцезата е идеален пример за личност која се одликува со неверојатна убавина, добро срце и скромност.

Токму таквите луѓе, прават светот во кој живееме да биде подобро место.

Н. Г. | Црнобело