Изложби на предвремено родени бебиња: 5 апсурдни начини на забава во минатото

Детали

среда, 21 февруари 2018

Крвавите борби до смрт и шоуата со луѓе со физички абнормалности биле само дел од чудните начини на забава во минатото.

Денес, за жал, голем дел од забавата ни се сведува на компјутерите и телефоните.

Но, кога тие сè уште не биле измислени, луѓето морале да се забавуваат на различни начини.

Некои од тие начини опфаќале престој во природа и минување на квалитетно време со семејството и биле прекрасни, но некои биле навистина апсурдни.

Дел од најчудните начини на забава во минатото:

Борби со гладијатори

На сите ни се добро познати овие крвави јавни спектакли. Но, дали сте знаеле дека покрај тоа што мажите се бореле меѓу себе и со диви животни, имало и борби со жени? Сепак, тие во главно не биле вистински гладијаторски борби, туку повеќе имале за цел да ја забавуваат публиката.

Публиката била толку зависна од борбите до смрт што дури каменувала еден свештеник во 404 година кога се обидел да ги сопре борбите.

Но, неговата жртва не била залудна и императорот Honorius, инспириран од свештеникот, ги забранил гладијаторските борби.

Френолошки испитувања

Френологијата е псевдонаука која прокламира дека структурата на черепот го одредува карактерот на личноста. Таа се става во ист кош со астрологијата и спиритизмот.

Била многу популарна во периодот од 1850-тите до 1890-тите, кога се појавиле многу патувачки френолози. Тие секогаш привлекувале толпа луѓе кои биле уверени дека френологијата може да обезбеди објаснување за нивната ментална состојба.

Шоуа на личности со физички абнормалности

За жал, ова бил омилен начин на забава. Биле организирани шоуа со луѓе со физички абнормалности. Тие патувале по целиот свет и луѓето ги гледале и ги исмевале.

Сепак, некои од нив поради големите суми на пари што ги заработувале, сакале да го работат тоа. Таков пример е Мексиканката Julia Pastrana во 19-тиот век.

Изложба на предвремено родени бебиња

Родителите немале ништо против овие чудни шоуа затоа што на овој начин на предвремено родените бебиња им го спасувале животот.

Целта била да се привлече вниманието на јавноста за да се донираат пари и болниците да се опремат со инкубатори со чија помош овие бебиња ќе преживеат.

Изложбите на бебињата во стаклени кутии вродиле со плод и се собрале многу финансиски средства за доопремување на болниците.

Стискање во телефонски говорници

Никој не знае од каде идејата, но младите започнале да се стискаат во телефонски говорници за да влезат во нив што поголем број луѓе.

Истото го правеле и во автомобилите. Изгледа ова било навистина забавно искуство за сите учесници.

С. С. | Црнобело