„Се тресеше и беше страшно, но вредеше“: Како изгледа качувањето по скали помеѓу два планински врва?

Детали

четврток, 08 ноември 2018

Некои ги нарекуваат скали до рајот, а овие трагачи по авантура и адреналин успеале безбедно да се искачат по нив.

Дали некогаш сте помислиле дека постои скала од челик и јаже која поврзува два планински врва, по која може да се качувате?

Токму таква постои на австриските Алпи, долга е 40 метри, а двајца другари кои се зависни од адреналин и авантура се искачувале по неа и го овековечиле тоа искуство за да го споделат со сите.

Не постои безбедноста мрежа која ќе ве задржи ако паднете и потребна е голема храброст и добра опрема за таков чекор, но очигледно вреди за искуството и глетката која ја добивате.

Фотографот Sebastian Scheichl и неговиот пријател Johannes Jank споделија неверојатни фотки и видео од овој предизвик, а за да го доловат моментот користеле дрон камери.

Sebastian открива дека качувањето било малку страшно и дека скалата се тресела заради ветерот, но дека биле обезбедени со добра опрема, а глетките ги опишува како извонредни.

Потребна е навистина голема храброст и ретко кој би се осудил да се качува по скала која се тресе, на врв на планина, без безбедноста мрежа и на ветровито време.

• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело