99-годишна баба добила љубовно писмо од исчезнатиот свршеник по 77 години

Детали

вторник, 01 јануари 2019

Таа ја прифатила неговата понуда за брак, но одговорот пристигнал 77 години подоцна: „Само да знаеш колку ме направи среќен, драга“.

Таа ја прифатила неговата понуда за брак, но потоа не добила одговор. Одговорот пристигнал 77 години подоцна.   

Филис Понтинг е 99-годишна бабичка која добила љубовно писмо од нејзиниот поранешен свршеник, 77 години откако тој исчезнал за време на Втората светска војна.

Ова рачно напишано писмо било пронајдено во ковчег во товарен брод потонат на дното од Атлантскиот Океан, кој се претпоставува дека потонал во 1941 година. Бидејќи немало кислород и светлина писмото, заедно со стотици други, било како во вакуум како во конзерва, па успеало да опстане.

Последното писмо што Филис му го испратила на нејзиниот тогашен свршеник Бил Вокер, кој бил на фронтот, е дека ја прифаќа неговата понуда за брак.

Но, откако не добила повратен одговор, мислела дека тој се премислил во меѓувреме.

Но, во писмото кое дури сега стигнало до неа Бил напишал дека бил пресреќен и дека посакувал таа да е таму кога го отворал писмото за да ја види неговата реакција. „Само да знаеш колку ме направи среќен, драга“, ѝ напишал Бил.

До денес Филис не знае дали тој ја преживеал војната. Потоа таа се омажила за друг маж со кого има 4 деца, 4 внучиња и 7 правучиња.

„Не верувам дека Бил ја преживеал војната затоа што во спротивно тој сигурно ќе дојдеше на мојата адреса“, вели Филис и открива дека нејзиниот живот ќе бил многу поинаков ако на време го добила неговото писмо и ако тој се врател од војната.

„Сигурно ќе се земевме. Тој ме сакаше многу“, заклучува таа.

С. С. | Црнобело