Фото серијал: Кога безбедносниот појас во автомобилот значи втора шанса за живот

Детали

понеделник, 11 март 2019

Иако постојано слушаме за важноста на безбедносниот појас во автомобил, многумина го игнорираат и не се свесни за неговата моќ.

Додека едни се врзуваат на секое влегување во автомобил, други го прават тоа само кога одат на пат наместо и во град, а некои воопшто не го ни користат.

Но, со оглед на бројките на загинати во сообраќајни несреќи заради не користење на безбедносен појас, NZ Transport Agency од Нов Зеланд, организирала кампања за подигање на свеста кај возачите и оние кои се возат во автомобил.

Станува збор за серија фотки со преживеани во сообраќајни несреќи, на кои се пресликани повредите со кои се здобиле, како и трагата која ја оставил безбедносниот појас, благодарение на кој добиле втора шанса за живот.

Иако не поминале воопшто лесно, сепак, ниту еден од нив не би преживеал доколку немал ставено безбедносен појас.

„Безбедносните појаси навистина оставаат ваква трага. Ќе ви го спасат животот, но ќе ви остават трага за да ви покажат како го постигнале тоа.“ – изјавила медицинскиот специјалист за итни случаи, Наташа Мекеј.

Погледнете ја фото серијата и потсетете се на клучната улога која ја има безбедносниот појас...

М. М. | Црнобело