80-годишна баба плете капи за новороденчиња со различни сезонски мотиви

Детали

среда, 13 март 2019

80-годишна баба плете капи за новороденчиња, со сезонски мотиви кои нејзината ќерка ѝ ги наоѓа на Пинтерест.

Дорис Бендер е 80-годишна пензионерка од Мериленд, а нејзиното хоби е плетење капи со различни мотиви за новороденчиња.

Таа почнала да плете капчиња за новороденчиња пред 3 години, по идеја на нејзината ќерка:

„Мојот сопруг гледа спорт секоја вечер, а мене ми требаше некое хоби. Не можев да седам и да гледам спорт кога не сум заинтересирана за тоа. Ќерка ми ми предложи да почнам да правам капи за новороденчиња, се јави на медицинска сестра и така започнав.“ – вели Бендер.

Ќерката на Дорис стапила во контакт со медицинска сестра од соседната болница, која со задоволство го прифатила нивниот предлог.

Таа ѝ помага на нејзината мајка така што ѝ наоѓа идеи за шари и изглед на капчињата од Пинтерест и ја известува секојпат кога има попуст на предиво во локалните продавници.

Дорис плете околу 3 часа секоја вечер, но го користи и секое друго слободно време за создавање бебешки капчиња со различни, сезонски мотиви.

Капчињата кои таа ги прави соодветствуваат на секоја сезона, така што во зима прави капи со снешко и ирваси, во пролет става логоа на локални бејзбол тимови, за Валентајн прави капчиња со срциња и слично.

Капчињата кои новороденчињата ги добиваат им значат и на родителите кои ги чуваат како спомен од 80-годишната Дорис, кој ќе им го покажат кога ќе пораснат.

М. М. | Црнобело